خواطر المسافرررر

اضطرتنى الظروف الاقتصادية المتردية والفساد السياسى وتردى الاوضاع بشكل عام فى مصر الى القدوم الى الكويت , وعانيت من الام الغربة ما عانيت ,فتركت العنان لقلمى يعبر عما يجول بخاطرى فى لهجة عامية مصريةاظن انها تعبر عن مشاعر ولسان حال عشرات الالاف من امثالى .


مصر دى أمى
بس أنا زعلان منها

مشلتش يوم همى
ولا قالت فين ابنها

خلتنى فى غربة اقاسى
ما فكرت فى احساسى

يامصر داحنا هنا فى الغربة تعبانين
يا (ام الدنيا )الحب والحنين ؟

دا ليل الظلم طال
عشرين وخمس سنين

هيورثك لابنة وههنفضل محرومين
خير ك يامصر خدوة وباعو اللى باعوة
باعوة للاجانب والباقى خصخصوة

واحنا هنا تايهين ولحضنك محتاجين
يامصر عيشى حرة والله الغربة مرة
نرجع لحضنك تانى ونعيش متكرمين

دى الغربة والله صعبة والناس تعبانين

والامل فى رب باقى وهو خير معين